懵Kary的故事

只要大家有足夠安全意識，睇好自己財物，去歐洲國家唔會比上深圳治安差，歐洲國家主要景點最多都係小偷多，假警察、屈你買野，一堆人圍著你過份熱情等等就要小心，明搶就真係好少，當然大家過黎玩就冇謂去D太雜既區，所以大家搵酒店時都主意區分，不要只偷平。主要要注意下面幾點:

1. 冇需要貴重野就唔好帶，呢樣全世界都啱
2. 貴重財物一定貼身，背包、手袋、外孭袋都未必安全，我響歐洲銀包就永遠在褲前袋，自己可以時刻feel到佢存在，想攞出黎都唔易果隻！哈哈
3. 歐洲人好少帶太多cash響身，大家唔係強國人也冇需要咁多cash，用credit card可能會貴D，但時運低唔好彩也減少捐失
4. 相機等在大街大巷，重要景點掛在頸上問題唔大，坐車唔用就收完唔好揚
5. 如果自己開車，所有包、袋唔好放在車內，要放boot，離開車所有貴重野都要跟身，你放響車既野就等於話比人知係貴重野，有時你冇lock好門、窗，一停燈就可能比人從窗或開門一搶就走
6. 入地鐵、坐巴士所有袋就放前面抱實，入到車好迫都一樣
7. 假警察查你就扮唔識聽，附近有當地人就找人幫手翻譯，人一多假警察就會自己走，無論如何都唔好比銀包、包包、passport交比任何人查，亦唔好跟佢行到小街後巷，歐洲真警察我咁多年去過咁多國家如果你冇犯法都未識過查過
8. 歐洲人係熱情，但唔會過份熱情，如果成班人主動找你拉手拉腳，欖頭攪頸要影相等等動作就小心，禮貌地扮唔識聽馬上走開
9. 所有人埋黎問你識唔識英文，然後賣什麼都千萬不要接，包括一些自稱什麼慈善團體要你簽名支持，就扮唔識聽，唔係你簽完就要你捐錢

暫時就諗到呢D，有問題再問